Kalkulasaun Kustu Distribuisaun Jornal

Kolega TLPC sira,

Favor hare kalkulasaun kustu distribuisaun jornal durante tinan tolu. To'o ohin loron PC lahetan dadus ruma husi kuadrus tuan konaba prosesu distribuisaun ne'e. Sistema ne fiksu ona. Ida ne'e nudar kalkulasun preliminariu deit. Karik hetan dadus foun ruma, bele uza sistema ida ne'e hodi halo kalkulasaun rasik. (Atu hare kalru liutan, Klik iha tabela laran hodi zoom).

Salam ba kolega sira hotu, mai ita hotu hakiak hahalok transparensia no akuntablidade iha organizasaun laran. Hapara no hakotu hahalok KKN inklui manipulasaun no traisaun iha Organizasaun laran. Hadomi TLPC, Hadomi Rai Timor.

A Luta Kontinua...

Boas Festas

Timor Leste Press Club hato'o ba membrus tomak:

"Ksolok Natal no Rahun Diak Tinan Foun"

Relatoriu Orsamentu

Relatoriu Ezekusaun no Saldo/Balansu husi 18/12/10 to'o 28/12/10

Atu garante transparensia no akuntabilidade orsamentu Press Club nian, nune'e kuadrus foun Press Club periodu 2010-2012 estabelese ona sistema kontrolu orsamentu nebe sei fo sai ba membrus tomak atu akompanha ezekusaun orsamentu nebe eziste iha kas Press Club nian.

Tanba relatoriu kompletu seidauk hatama husi kuadrus tuan, nune'e relatoriu ida ne'e kobre deit ezekuasaun orsamentu no saldo hahu husi data 18 Dezembru 2010 to'o 28 Dezembru 2010.

Husi kalkulasaun nebe iha hatudu katak, iha deferensa entre balansu ikus no Bank Statement, nebe presiza halo verifikasaun didiak fali.

Tabela tuir mai ne'e hatudu total Saldo ikus nian hamutuk $19,456.60, maibe Saldo iha Bank Statement fo sai nia total hamutuk $19,098.00. Signifika, iha diferensa $ 358.60 nebe presiza verifika.

Relatoriu Orsamentu

Relatoriu Ezekusaun Orsamentu Husi Kuadrus Tuan, 2007-2010

... Sekretariadu TLPC nian seidauk simu relatoriu atividade no relatoriu ezekusaun orsamentu husi kuadrus Tuan...

Tabela iha kraik ne'e seidauk iha Dadus. Sekretariadu PC nian prepara tabela ne'e atu prienxe dadus konaba atividades finanseiru durante tinan rua resin nian laran. En felizmente, relatoriu ne'ebe refere, to agora seidauk  tama iha sekretariadu nia meza.

Tan ne'e mak tabela iha sorin ne'e ami husik mamuk hela hodi hein iha loron tuir mai kuadrus tuan ne'ebe la tur ona iha estrutura inti, bele ho responsabilidade tomak entrega lalais relatoriu ne'e mai sekretariadu PC nian atu sai nuudar referensia ba atividades finanseiru periodu tuir mai.

Kongresu Press Club

Nutisia Tempo Semanal: LISAUN FOUN...

http://temposemanaltimor.blogspot.com/2010/12/tlpc-foo-lisaun-foun-ba-organizasaun.html

Estrutura Press Club 2010-2012

KUADRUS FOUN TLPC

Iha meadu fulan Dezembru ne'ebe nakonu ho preparasaun atu selebra loron Natal no esperansa atu simu tinan foun, Press Club mos hetan naroman foun ida ne'ebe membru tomak hakotu ona, liu husi prosesu demokratiku, hili kuadrus foun hodi tur iha estrutura foun TLPC nian ba periodu 2010-2012.

Kongresu ne'ebe hala'o iha salaun Centro Juvenil Taibesi iha loron Sabadu, 18-12-2010, nakonu ho esperansa ba mudansa ne'ebe membrus tomak ho sira nia konsiensia rasik, liu husi eleisaun sekretu, hili ema hirak ne'ebe sira fiar atu bele hatutan knaar Press Club nian hodi tulun halo dizeminasaun informasaun ba publiku.

Kuadrus foun ne'e mak hanesan :

Prezidente
     Paulino Kintas (TVTL)

Vise Prezidente I
          Antonio Mali, Cesar (Korespondente Kyodo News)

Vise II
         Francisco Belo (Suara Timor Lorosa'e, STL)

Sekretariu Jeral
        Mouzinho Lopez (PNN)

Adjuntu Sekretariu Jeral
       Jordao Henrique (Fotografer AP)

Tezoreiru
       Celice Gusmao (TVTL)